اس ہفتے کے بلاگ
منظرنامہ کے قارئین کو
میزبان عمار اور ماوراء کی جانب سے السلام علیکم!
ہم منظرنامہ پر ایک نئے سلسلہ کا آغاز کرنے جارہے ہیں اور یہ سلسلہ ہے “اس ہفتے کے اردو بلاگ”۔ اس سلسلہ کے تحت ہم ہر ہفتہ ایک تحریر شائع کریں گے جس میں اس ہفتہ اردو بلاگز پر شائع ہونے والی تحاریر کا جائزہ لیا جائے گا۔ اس سے ایک طرف خاص اور اہم تحاریر ایک جگہ جمع ہوتی جائیں گی، دوسری طرف بلاگز کے قارئین میں بھی اضافہ ہوگا اور یہ ایک قسم کی حوصلہ افزائی کا ذریعہ بھی بنے گا۔
ہمیں امید ہے کہ دیگر سلسلوں کی طرح اس سلسلہ کو بھی قارئین میں پذیرائی حاصل ہوگی۔ دعا کریں کہ ہمارا یہ سفر اسی طرح کامیابی سے گامزن رہے اور ہماری مصروفیات میں سے منظرنامہ کے لیے وقت بچتا رہے۔
نیک تمناؤں کے ساتھ
مصنف: منظر نامہ | زمرہ: اس ہفتے کے بلاگ, اعلانات/ متفرقات |
August 11, 2008 بوقت 4:31 pm
اچھا سلسلہ ہے۔
اس سے ہمارے نئے دوستوں کا یہ گلہ بھی دور ہوجائے گا کہ ان کی تحاریر کوئی سنتا نہیں اور وہ اکیلے ہی باں باں کرتے رہتے ہیں۔
August 11, 2008 بوقت 4:34 pm
ایک اور بات اس قسم کے دورانیہ وار سلسلوں کی منتخب تحاریر، بلاگ یا جو بھی ہو کو اپنے تھیم میں بھی ڈالیں تو اچھا رہے گا۔
اس ہفتے کا بلاگ
اس ہفتے کی تحریر وغیرہ وغیرہ۔
وسلام
August 11, 2008 بوقت 6:58 pm
بہت ہی اچھا سلسلہ ہے، امید ہے کہ اس سے تحاریر کا معیار بہتر ہو گا کیونکہ لکھاری کو اندازہ ہو جائے گا کہ اچھی اور بری (یا کم اچھی( تحریر میں کیا فرق ہوتا ہے۔ آپ سے درخواست ہے کہ ممکنہ حد تک غیر جانبدار، معیاری ریویو پیش کیجئے گا۔ اگر اس سلسلے میں کچھ معیارات کا فیصلہ پہلے سے کر لیں تو اور بھی اچھا ہے، یعنی وہ بنچ مارکس کہ جنکو مد نظر رکھ کر آپ تبصرہ کریں گے۔
میری طرف سے نیک تمنائیں،
فیصل
August 11, 2008 بوقت 9:47 pm
یہ ایک اچھا سلسہ ہے اور یہی نہیں بلکہ جیسا کے افضل صاحب نے ہائیڈپارک میں مسئلہ اٹھایا اگر بلاگرز چاہیں تو اب ایک دوسرے کے طرز تحریر کا ناقدانہ جائزہ لے کر اردو بلاگنگ کے معیار کو مزید اوپر لے جاسکتے ہیں۔ منظر نامہ کے اس سلسلے کا انتظار رہے گا۔
August 11, 2008 بوقت 10:45 pm
ایک اچھا سلسلہ ہو گا یہ!!!
August 12, 2008 بوقت 5:04 am
ایک اور ٹینشن..!!
August 12, 2008 بوقت 8:42 am
بہت اچھا سلسلہ ہے اور اسی سے منظر نامہ کو زیادہ مقبولیت بھی حاصل ہوگی اور بلاگ صارفین کی زبردست حوصلہ افزائی بھی۔ علاوہ ازیں منتخب تحاریر کی آرا کی بھی تائید کروں گا، ساتھ ساتھ اگر یہ سلسلہ بھی چلایا جائے تو بہت اچھا ہوگا۔ جیتے رہیں۔